"عالم أحلى" بيجمع بين أجيال مختلفة في تراك واحد

تراك "عالم أحلى" اللي نزل من أيام قليلة على المنصات الموسيقية، بيمثل جسر عابر للأجيال الموسيقية المختلفة، لأنه بيجمع بين حميد الشاعري ونوران أبو طالب وديسكو مصر.

 حميد لسه بيثبت إن التجديد والتطوير جزء مهم في مشواره الفني، ونوران أبو طالب بصوتها اللي بقى علامة مميزة في مشهد الموسيقى المستقلة واللي كل تعاونتها مع فنانين كبار، وديسكو مصر اللي قادرين ينقلوا حالة النوستالچيا لأجيال مختلفة بستايلهم الإلكترونيك.

في "عالم أحلى"، الكابو بيأكدلنا إنه مش واقف على نجاحات قديمة، بالعكس لسه بيجرب ويكتشف موسيقى جديدة مع أجيال مختلفة، وده اللي حصل كمان خلال الصيف ده لما نزّل أغنيتين قبل "عالم أحلى"، وهما "ده بجد" و"تيجوا نفرفش".